نثار میں تری گلیوں کے اے وطن کہ جہاں

چلی ہے رسم کہ کوئی نہ سر اٹھا کے چلے

جو کوئی چاہنے والا طواف کو نکلے

نظر چرا کے چلے جسم و جاں بچا کے چلے

ہے اہل دل کے لیے اب یہ نظم بست و کشاد

کہ سنگ و خشت مقید ہیں اور سگ آزاد

nisār maiñ tirī galiyoñ ke ai vatan ki jahāñ

chalī hai rasm ki koī na sar uThā ke chale

jo koī chāhne vaalā tavāf ko nikle

nazar churā ke chale jism o jaañ bachā ke chale

hai ahl-e-dil ke liye ab ye nazm-e-bast-o-kushād

ki sañg-o-ḳhisht muqayyad haiñ aur sag āzād

بہت ہے ظلم کے دست بہانہ جو کے لیے

جو چند اہل جنوں تیرے نام لیوا ہیں

بنے ہیں اہل ہوس مدعی بھی منصف بھی

کسے وکیل کریں کس سے منصفی چاہیں

مگر گزارنے والوں کے دن گزرتے ہیں

ترے فراق میں یوں صبح و شام کرتے ہیں

bahut hai zulm ke dast-e-bahāna-jū ke liye

jo chand ahl-e-junūñ tere nām-levā haiñ

bane haiñ ahl-e-havas mudda.ī bhī munsif bhī

kise vakīl kareñ kis se munsifī chāheñ

magar guzārne vāloñ ke din guzarte haiñ

tire firāq meñ yuuñ sub.h o shaam karte haiñ

بجھا جو روزن زنداں تو دل یہ سمجھا ہے

کہ تیری مانگ ستاروں سے بھر گئی ہوگی

چمک اٹھے ہیں سلاسل تو ہم نے جانا ہے

کہ اب سحر ترے رخ پر بکھر گئی ہوگی

غرض تصور شام و سحر میں جیتے ہیں

گرفت سایۂ دیوار و در میں جیتے ہیں

bujhā jo rauzan-e-zindāñ to dil ye samjhā hai

ki terī maañg sitāroñ se bhar ga.ī hogī

chamak uThe haiñ salāsil to ham ne jaanā hai

ki ab sahar tire ruḳh par bikhar ga.ī hogī

ġharaz tasavvur-e-shām-o-sahar meñ jiite haiñ

giraft-e-sāya-e-dīvār-o-dar meñ jiite haiñ

یوں ہی ہمیشہ الجھتی رہی ہے ظلم سے خلق

نہ ان کی رسم نئی ہے نہ اپنی ریت نئی

یوں ہی ہمیشہ کھلائے ہیں ہم نے آگ میں پھول

نہ ان کی ہار نئی ہے نہ اپنی جیت نئی

اسی سبب سے فلک کا گلہ نہیں کرتے

ترے فراق میں ہم دل برا نہیں کرتے

yūñhī hamesha ulajhtī rahī hai zulm se ḳhalq

na un rasm na.ī hai na apnī riit na.ī

yūñhī hamesha khilā.e haiñ ham ne aag meñ phuul

na un haar na.ī hai na apnī jiit na.ī

isī sabab se falak gila nahīñ karte

tire firāq meñ ham dil burā nahīñ karte

گر آج تجھ سے جدا ہیں تو کل بہم ہوں گے

یہ رات بھر کی جدائی تو کوئی بات نہیں

گر آج اوج پہ ہے طالع رقیب تو کیا

یہ چار دن کی خدائی تو کوئی بات نہیں

جو تجھ سے عہد وفا استوار رکھتے ہیں

علاج گردش لیل و نہار رکھتے ہیں

gar aaj tujh se judā haiñ to kal baham hoñge

ye raat bhar judā.ī to koī baat nahīñ

gar aaj auj pe hai tāla-e-raqīb to kyā

ye chaar din ḳhudā.ī to koī baat nahīñ

jo tujh se ahd-e-vafā ustuvār rakhte haiñ

ilāj-e-gardish-e-lail-o-nahār rakhte haiñ

Share: